Школа ў вёсцы Туркі была адкрыта ў 1871 годзе. Гэта была пачатковая царкоўна-прыходская школа пры Туркоўскай воласці.
У ёй вучыліся дзеці сялян з наступных вёсак: Побалава, Крыўка, Вітлін, Пласкіня, Коўрын, Варатынь, Слабодка, Постраш, Тажылавічы, Сімгаравічы, Туркі, Ламбава і інш. У школе вучылася 53 вучні. Вучыў іх адзін настаўнік. Першы выпуск быў у 1934 годзе. Дырэктар школы Н.А. Савіч.
У 1939 годзе ў Туркоўскай ШКМ адкрыўся 8 клас. У час Вялікай Айчыннай вайны ў памяшканні школы быў размешчаны варожы гарнізон. Партызаны знішчылі школьны будынак разам з немцамі і паліцаямі. У верасні 1944 года школа зноў пачала сваю работу. Дырэктар Друшчыц Міхаіл Канстанцінавіч. У 1947 годзе - першы пасляваенны выпуск. Выпускнікоў 11 чалавек. Дырэктар А.І. Строгі. Працавалі настаўнікі М.І. Строгі, А.Т. Мельнік, А.Д. Новік, Г.С.Дрыга, М.К. Друшчыц і іншыя. У 1948-1950 гг. выпускнікоў 10 - х класаў не было. У 1951-52 н.г. – другі пасляваенны выпуск вучняў. Школу закончылі 13 выпускнікоў.
Дырэктар В.С. Парахневіч, зувуч Г.С.Дрыга. У 1970 годзе была пабудавана новая Туркоўская сярэдняя школа. Дырэктар М.А. Капусціна, зувуч Г.С.Дрыга, арганізатар А.Д. Новік.
3 1983 года дырэктарам школы з'яўляецца Парамонава Тамара Піліпаўна. Намеснік дырэктара па вучэбнай рабоце Шунько Вікторыя Іванаўна (з 2011 года), намеснік дырэктара па выхаваўчай рабоце Юшкевіч Вольга Леанідаўна (з 2011 г). 3 2011 года школа набыла статус дзяржаўная ўстанова адукацыі “Туркоўская сярэдняя школа Бабруйскага раёна”
Сучасная школа - трохпавярховы будынак з утульнымі светлымі класамі. Абсталяваны 15 прадметных кабінетаў. У школе ёсць спартыўная зала, трэнажорная зала, актавая зала, сталовая, камп'ютарны клас. У памяшканні школы размешчаны этнаграфічны музей "Беларуская хатка", абсталяваны кабінет механізацыі. Пры школе ёсць стадыён для правядзення ўрокаў фізічнай культуры і пазашкольных спартыўных мерапрыемстваў, абсталявана майстэрня для правядзення ўрокаў працы.